Ciwanan li Mêrsîn û Edeneyê tecrîd û komplo protestokirin
Endamên Meclîsa Ciwanên HDP’ê yên Mêrsînê, li dijî tecrîdê li ser dîwaran nivîs nivîsîn, li Edeneyê jî ciwanan pankart vekirin.
Endamên Meclîsa Ciwanên HDP’ê yên Mêrsînê, li dijî tecrîdê li ser dîwaran nivîs nivîsîn, li Edeneyê jî ciwanan pankart vekirin.
Endamên Meclîsa Ciwanên Partiya Demokratîk a Gelan (HDP) a Mêrsînê ji bo protestokirina komplo û tecrîda li ser Rêberê Gelê Kurd Abdullah Ocalan û piştgirîkirina greva Hevseroka KCD’ê û Parlementera HDP’ê ya Colemêrgê Leyla Guven çalakiyek kirin.
Ciwanan li Taxa Çay a girêdayî navçeya Akdeniz ê bi nivîsên li ser dîwarên kolanan ên mîna ‘Greva birçîbûnê di roja 101’ê de ye’, ‘Bijî Serok Apo’, ‘Dawî li tecrîdê bînin’ û ‘Leyla Guven rûmeta me ye’ tecrîd û komploya li ser Ocalan protesto kirin.
Li Edeneyê jî komeke ciwanan li taxên Yenîakkapi û Gulbahçe yên girêdayî navçeya Seyhanê pankata bi nivîsa ‘Em Komploya 15’ê Sibatê şermezar dikin. HGD’ li ser hatî nivîsîn daliqand û dirûşmên dilsoziya bi Ocalan û PKK’ê re qîr kirin.