Cenazeyên Sakîne Cansiz, Fîdan Dogan û Leyla Şaylemez ku 9’ê Çileyê li Parîsê hatin qetilkirin, hatin Balefirgeha Yeşîlkoy ya Stenbolê. Li Balefirgeha Stenbolê ji aliyê bi hezaran kesan ve bi sloganên “Şehîd namirin” hatin pêşwazî kirin. Cenazeyê 3 siyasetmedarên jin yên Kurd dê demjimêr 18.45’an de bişînin Stenbolê.

Cenazeyên ji Sazûmankara PKK’ê Sakîne Cansiz, Nûnera KNK’ê ya Parîsê Fîdan Dogan, endama Tevgera Ciwana Leyla Şaylemez ku 9’ê Çileyê li Navenda Enformasyona Kurdistanê ya li paytexta Fransa Parîsê bi sûîqestê hatin qetilkirin gihan Balefirgeha Yeşîlkoy ya Stenbolê.

Cenazeyên 3 jinên Kurd yên li Balefirgeha Parîs Charles de Gaulle li gel Parlementerê BDP’ê Nazmî Gur hatin Stenbolê, cenaze li Balefirgeha Yeşîlkoy ya Stenbolê ji aliyê hezaran kesan ve hate pêşwazî kirin. Piraniya girseya ku ji jinan pêkhat bê navber sloganên “Şehîd namirin” xwedî li cenazeyan derketin, malbatên 3 siyasetmedarên jin yên Kurd, nivîskar, ronakbîr û hûnermend li bendê ne.

Piştî daxuyaniya Parlementera BDP’ê ya Stenbolê Sebahat Tuncel, çav lê ye ku cenazeyên Cansiz, Dogan û Şaylemez di demjimêr 18.45’an de bişînin Amedê.