Kampanyayê di demeke kin de gelekî bal kişand. Bikarhênerên medya civakî gotin, "Bi pereyê betlaneya we ya li Tirkiyeyê re wê zarokên Kurd bên kuştin."

Dewleta Tirk ji bo dagirkerî û komkujiyên nû bike, ji hatineyên tûrîzmê yên sala 2018'an gelekî bi hêvî ye. Kampanyayên ji bo boykotkirina tûrîzma Tirk jî zêde dibin.

Duh êvarê ji saet 20:00 û pê ve li ser malperên medya civakî; Facebook û Twitterê bi haştaga #boycottturkeytourism kampanyayeke nû dest pê kir.

Di demeke kin de bi hezaran bikarhênerî bi zimanên Elmanî, Fransî, Îngilîzî, Flamanî, Spanî, Îtalyanî û bi zimanên li welatên Skandînavyayê afîşên bi nivîsa "Na ji şer û dîktatoriyê re", "Stop Erdogan" parve kirin.

Bi vê kampanyayê re ji mirovên ku dixwazin îsal ji bo ger û geştê biçin Tirkiyeyê, careke din li vê nêrîna xwe bifikirin û dev jê berdin. Bikarhênerên medya civakî ev nêrîn bi rengekî hevpar parvekirin: "Bi pereyê betlaneya we ya li Tirkiyeyê re wê zarokên Kurd bên kuştin."