Wê bi beşdariya Hevserokê HDP'ê Selahattîn Demîrtaş ve li Dûriyana Karasû ya Taxa Daglioglû ya navçeya Seyhan a Edeneyê mîtîngek bihata lidarxistin, lê polîsan berî ku mîtîng destpê bike, êrîşî girseyê kirin. Qada mîtîngê ji hêla bi dehan TOMA û wesayîtên zirxî ve hat dorpêçkirin. Bi hezaran welatî, li ber Nûnertiya Taxa Firatê li hev civiyan û dest bi meşê kirin. Di meşê de dirûşmeyên "Wê Zext Me Bêzar Nekin" û "Bijî Berxwedana Meclisê" berz kirin, di dema meşê de polîsan bi bombeyên gazê û guleyên plastîk û ava şid êrîşî girseyê kirin. Girseyê li hemberî êrîşa polîsan bend danîn û ketin xweparastinê. Li ser berxwedana girseyê polîs neçar man ji taxê vekişin.

Girse bi stran û govendê li benda hatina Demîrtaş in. Tê payîn ku Demîrtaş di saet 16.00'an de li qada mîtîngê bi gel re bicive.