Nûnerê HDP'ê yê li Strasboûrgê Faîk Yagiz diyar kir, wan bi hev re li Parlamenta Ewropayê û Konseya Ewropayê gelek hevdîtin kirin.

Yagiz bal kişand ser taybetmendiyeke Rojbîn kir û got, "Ya herî girîng ew bû; şert û merc çi dibe bila bibe, dema wê karek datanî pêşiya xwe, teqez dixwest bi ser bixe. Ti carî bê hêvî nedibû."

Yagiz got, "Carekê ji bo kampanya îmzeyan a 'Azadî ji Ocalan re' hatibû Konseya Ewropayê. Gelek parlamenterên çep, sosyalîst û lîberalan mohra xwe danîbûn binê metna kampanyayê. Lê belê dema ku serî li parlamenterên rastgir dihate dayin, wan yekser red dikirin. Dema em li kafeterya parlamenteran a konseyê rûniştibûn, parlamenterekî Fransî yê rastgir dît û got, ez ê biçim îmzeyê jê bigirim. Min jî jê re got, 'tu bi çe jî belasebep ne, nepêkane ku îmze ji van bê girtin'. Wê jî got, ez ê teqez îmzeyê jê bistînim. Rabû çû cem û pê re axivî. Piştî 5 deqeyan pênûs da destê wî û kir ku îmzeyê biavêje."