Diya Berkîn Gulsum Elvan, bavê wî Samî Elvan, parlementerên Stenbolê yên HDP’ê Huda Kaya, Garo Paylan, Endamê Desteya Serokan a ODP'ê Alper Taş û gelek kes beşdarî daxuyaniya çapemeniyê bûn. 

Li vê derê bavê Berkîn Elvan, Samî Elvan diyar kir ku ew Serokkomar Erdogan nas nake û got, "Ji ber ku wî fermana zarokê min nivîsand." Bavê Berkîn destnîşan kir ku ew li edaletê digere û ji bo hemû zarok û gelan li vê edaletê digere û got, "Em niha hatin ber qesreke vikî vala. Em ê îro li edaletê bigerin. Em ê hewl bidin ku em vê derê tijî bikin. Niha serokê giştî yê partiya 2’emîn ê Tirkiyeyê ji ber ku hiqûq û edalet tune, derketiye kolanan. Em ê jî li vê qesra vala li edaletê bigerin. Hêvîdar im di demeke kurt de kesên ku edaletê temsîl dikin, fermana zarok û neviyên xwe nenivîsinin. Em bangî wan dikin."

Piştî axaftina Samî Elvan, ji bo şopandina dozê derbasî adliyeyê bûn.