Nûner û rêveberên sazî û aliyên Kerkûkê li bajarê Kerkûkê kom bûn. Aliyan daxwaz kirin ku divê aliyên Kurdî bi yek lîsteyê tevlî hilbijartina Meclîsa Parêzgehên Iraqê bibin.

Piştî civînê Berpirsê Rêxistina Demokratîk a Yekîtî Rêbîn Mihemed têkildarî naveroka civînê ji çapemeniyê re axivî û got: “Armanca civînê piştgirîdayîna yek lîsa Kurd li Kerkûkê û navçeyên bi nakok bû. Di civînê de hemû alî xwedî yek helwestê ne ku divê tevahî saziyên Kurdistanî li Kerkûkê bi yek lîstê beşdarî hilbijartinên meclîsên parêzgehan bibin.”

Aliyên Kurdî li ser 4 xalan li hev kirine. Ew xal wiha ne:

1. Li ser tevlîbûna bi yek lîsteyê ya aliyên Kurdî ya hilbijartina meclîsa parêzgehên Iraqê hemfikrin.
2. Daxwaz ji serokên partiyên Kurdistanî dikin ku di zûrtirîn demê de li hev bicivin, piştvaniya xwe ya ji bo yek lîsteya partî û saziyên Kurdistanî ya Kerkûkê ji bo hilbijartina encmûmê bike.
3. Em ê naveroka civîna xwe bi belgeyêkê pêşkêşî Parlementa Kurdistan, aliyên peywendîdar û Nûnertiya NY’yê ya Kerkûkê bikin.
4. Em êbi hemû awayî bi gel re bibin alîkar ku di zûtirîn demê de biçin navendên tomarkirina navên xwe ya li sîstema bayometrî bikin.”