Operasyonên qirkirina siyasî yên rejîma AKP'ê dewam dikin.

Aktîvîsta Tevgera Jinên Azad Zeynep Olbecî li mala xwe ya li taxa Gazîler a navçeya Peyasê ya Amedê hate destgîrkirin. Polîsên Tirk ên avêtin mala aktîvîsta TJA'yê ew birin Midûriyeta Emniyeta Tirk a li Amedê.

Zeynep Olbecî 9'ê Cotmehê di operasyona dijî rojnamevan û siyasetmedaran de hatibû destgîrkirin û piştre hatibû berdan.

AVÊTIN SER MALA NIVÎSKAR NEZÎR ÇAKAN

Di vê navberê de polîsên Tirk avêtin ser mala endamê PEN a Kurd nivîskar Nezîr Çakan a li navçeya Erxenî ya Amedê. Di dema serdegirtinê de Çakan ne li malê bû. Polîsên Tirk dest danîn ser hemû pirtûkên Çakan ên li malê.