Serokkomarê Ûkraynayê Zelenskî li ser malpera xwe ya Facebookê daxuyaniyek weşand û got, "Ketina balafirê bi fuzeyekê ne li derveyî ihtimalê ye, lê hîn nehatiye piştrastkirin."

Zelenskî ragihand ku di vê mijarê de wê bi Wezîrê Karên Derve yê Emerîkayê Mîke Pompeo re biaxive.

Zelenskî bang li rojavayiyan kir ku delîlên li ser xistina balafirê parve bikin û got, "Em bang li hevkarên xwe yên navneteweyî bi taybetî hikumetên DYE, Kanada û Qraliyeta Yekbûyî dikin ku delîlên li ser felaketê pêşkêşî komîsyona lêpirsînê bikin."

Îranê roja Înê bi daxuyaniyekê ragihand, ku ew dikarin bi rengekî eşkere bêjin ku balafir bi fuzeyekê nehatiye xistin.