Kesên ku li Sûra Amedê ji ber êrîşên qirkirinê hatibûn qetilkirin, li Goristana Yenîkoyê ya Baglara Amedê hatin bibîranîn. Parlementerên HDP’ê Remziye Tosûn, Mûsa Farisogûllari, rêveberên partiyê û malbat tevlî bibîranînê bûn.

‘GELÊ KURD BERXWEDANEKE BÊHEMPA KIR’

Farisogûllari diyar kir ku 12 bajar hatibûn dorpêçkirin û bajar hatin talankirin. Farisogûllari got ku, “Zarok û kal û pîr jî di nav de, gelê me qir kirin. Di şexsê Sêvê Demîr, Asya Yuksel û Mehmet Tûnç de, em hemû şehîdên xwe bi bîr tînin.”

Farisogûllari got ku berxwedan didome û axaftina xwe wisa domand, “Ev hevalên me ji bo gelê Kurd û nirxan xwe feda kirin. Divê her kes bizanibe ku ji bo nirxên gelê Kurd em hemû kes amade ne, canê xwe bidin. Berdêla wê çi dibe bila bibe em ê berxwedana xwe bidomînin.”