Şandeya Tevgera Azadî bi serokatiya hevserokê Tevgera Azadî û endamên Desteya Hevserokatî Ronak Mecîd, Nerîman Ehmed û endama parlementa Iraqê yê Tevgera Azadî Yusra Receb ev 3 rojin ku bi mebesta hevdîtina bi aliyên siyasî yên Iraqê li Bexda ne.

Piştî ku şandeya Tevgera Azadî roja 11’ê Sibatê ji aliyê Serokê Girseya Dewleta Yasa û serokwezîrê berê yê Iraqê Nûrî Malikî ve hat pêşwazîkirin, doh heman şande bi Serokê Tevgera Hîkme ya parlementa Iraqê Emar Hekîm re civiya.

Şandeya Tevgera Azadî li baregeha taybet ê Emar Hekîm a li Bexdayê hate pêşwazîkirin û bi rengekî dostane gotûbêjekî berfireh pêkanîn.

Di derbarê civînê de endamê şandeyê Nerîman Ehmed ji ajansa me reaxivî û got: "Di civîna me ya bi Emar Hekîm re, me li ser rewşa Iraq û Herêma Kurdistanê, têkilî û nakokiyên di navbera Herêm û Bexdayê de gotûbêj kir û me bal kişand li ser rêyên çareseriyê."

Ehmed her wiha got: "Beşek din a civînê taybet ji bo gotûbêjkirina hilbijartinên pêşerojê yên Iraqê, avakirina têkiliyekî bi hêz û pêşxistina hevahengiyek di navbera her du hêzan, çi di aliyê siyasî de û çi jî di aliyê hilbijartinan de dibe."

Nerîman Ehmed di dewama axaftina xwe de ragihand ku beşekî din ê civîna wan taybet di derbarê destdirêjî û destwerdanên dewleta Tirk a dagirker ya li ser xaka Iraq û Herêma Kurdistanê bû, her wiha her du alî jî hevahengî û hevkariya eşkere yê PDK’ê ya bi dewleta Tirkiyê şermezarkirin.

Ehmed qala mijareke din a civînê kir û diyar kir ku wan li ser çareseriya nakokiyên di navbera Bexda û Herêma Kurdistanê, her wiha derbarê çareseriya navçeyên bi nakok nîqaş kirine.

Ehmed wiha dawî li axaftina xwe anî: "Ji bo çareseriya hemû pirsgirêkên her du alî wiha bû ku zagon dikare bibe bersiv ji bo çareserkirina gelek pirsgirêkan. Di heman demê de her du alî kêyfxweşiya xwe ji bo têkilî û civînên bi vî rengî anîn ziman û soz dan ku wê têkiliyên xwe bidomînin."