Şûbeya Amedê ya Komeleya Mafê Mirovan (ÎHD) têkilî desteserkirina şaredariya Pasûrê ya Amedê diyar kir piştî teqîna li navçeyê hin organên çapemeniyê bi manşêta ''HDP'ê kir'' rêveberên HDP'ê û rayedarên şaredariya Pasûrê kirine hedef û Hevşaredarên Pasûrê Fatma Ay û Mehmet Fatîh Taş û gelek rêveber û xebatên şaredariyê bêyî ti delîlele berbiçav hatine girtin û piştre jî, 17'ê Îlonê qeyûm anîne ser şaredariyê.

'MAFÊ HILBIJARTIN Û HILBIJÊRBÛNÊ HATIYE BINPÊKIRIN'

ÎHD'ê di daxuyaniyê de diyar kir, ku ti sûcdariyên têkilî teqînên li ser hevşaredaran nahetiye kirin û diyar kir gavên qeyûm ên bêyî bingehên yasayî, mafê hilbijartin û hilbijêrbûnê desteser dikin nayê qebûlkirin. Şûbeya Amedê ya ÎHD'ê diyar kir, ''Demildest divê dawî li van kirinab were, hevşaredar û rêveber divê werin ser peywira xwe. ''