Êşkence li 10 kesan hate kirin
Li Îzmîrê 10 kesên ku bi îdîaya beşdarbûna çalakiya protestoyî hatin girtin, li Girtîgeha Tîpa T a Menemenê rastî êşkenceya gardiyanan hatin.
Li Îzmîrê 10 kes bi hinceta beşdarî çalakiyên protestokirina girtina Şaredarê Bajarê Mezin ê Stenbolê Ekrem Îmamoglû bûne, bi îdiaya “Muxalefeta li dijî qanûna civîn û xwepêşandanan” hatin girtin.
Dema welatî dibirin Girtîgeha Tîpa T a Menemenê, bi hinceta ku hejmartina li ser pêyan qebûl nekirine, gardiyanan li wan xistin. Yek bi yek hemû girtî şandin qawîşên girtiyên edlî.
