Li Enqereyê duh rêveber û endamên Sendîkaya Kedkarên Xizmeta Civakî û Tenduristiyê (SES), Sendîkaya Kedkarên Xizmetên Rêveberiya Herêmî û Hemû Şaredariyan (TUMBEL-SEN) û Partiya Demokratîk a Gelan (HDP) hatibûn destgîrkirin. 

Seroka Giştî ya Konfederasyona Sendîkaya Karkerên Şoreşger (DÎSK) Arzû Çerkezoglû nerazîbûn nîşanî destgîrkirina sendîkavanan da û got: "Destgîrkirina sendîkavanan nayê qebûlkirin. Xebata kedê û sendîkayan ne sûc e."

Çerkezoglû got, hewl didin fatûreya krîza aboriyê li kedkaran bibirin û wiha dewam kir: "Têkoşîna yên dibêjin 'em ê berdêla krîzê nedin' bi kiryarên bi vî rengî yên ne hiqûqî nikare bê tepisandin. Hevalên me yên hatine destgîrkirin divê tavilê bên berdan."