Nûnerên kom û saziyên ji gel û olên cuda yên li Elmanyayê li hev civiyan û dest bi kampanya 'Êdî bes e' (Es reicht) kirin. Armanc ji vê kampanya 51 saziyan ew e, ku hikumeta federal a Elman dawî li êrîşên xwe yên li dijî hêzên demokrasiyê bi taybetî li dijî gelê Kurd bîne.

Kampanya bi dirûşma "Em ê bi rêya têkoşîna hevpar mafên xwe yên bingehîn biparêzin" li paytext Berlînê bi civîneke çapemeniyê hate ragihandin. Civîna çapemeniyê li meydana Brandenbûrg Tor pêk hat û nûnerên saziyên dest bi kampanyayê kirin, daxwazên xwe ragihandin.

Metna hevpar a çapemeniyê ya saziyan ji aliyê rêveberê Navenda Yekîtiya Komeleyên Êzidiyan (NAV-YEK) Yilmaz Gunay ve hat xwendin. Nûnerên saziyan jî her wiha bi kurtasî nêrînên xwe anîn ziman. Di metna daxuyaniyê de bal hate kişandin ser astengiyên di dema dawî de zêde bûne.

Di daxuyaniyê de astengiya li pêşiya Festîvala Çanda Kurd a li Kolnê û êrîşa polîsan a 4'ê Mijdarê ya li Dusseldorfê li dijî meşa ji bo azadiya Rêberê Gelê Kurd Abdullah Ocalan û girtiyên siyasî hate lidarxistin, hatin bibîrxistin û wiha hat gotin:

"Meş û mîtîng, eşkerekirina nêrîn û fikra xwe mafên me yên demokratîk ên bingehîn e li Elmanyayê. Lewma em qedexe û êrîşên li dijî van mafên me tên kirin, qebûl nakin. Em ê qedexe û astengiyên li pêşiya pêwîstiyên me yên însanî, xwarin, vexwarin, pirtûk û muzîkê, qedexekirina al, pankart, wêne, dowîz û dirûşman, bi rêya têkoşîna hevpar ji holê rakin."

Saziyan ragihandin ku wê bi hemû sazî û dezgehên demokratîk û antî faşîst ên alîgirê mafên mirovan, demokrasî û azadiyê ne bi hev tevbigerin û destnîşan kirin ku qedexe û astengiyên dewleta Elman ji ber têkiliyên xwe yên bi Tirkiyeyê re li ser saziyên Kurdan, saziyên şoreşger, koçber û demokratîk ferz dike, qebûl nekin.

'TIŞTEKÎ RASTHATÎ NÎNE KU HÊZEKE FAŞÎST A MÎNA AFD'Ê CIHÊ XWE LI MECLÎSÊ DE GIRTIYE'

Di dewama daxuyaniyê de hat ragihandin ku ev feraseta ku azadî û mafên demokratîk ji nedîtî ve tê, xizmetê ji zîhniyeta faşîst, nîjadperest û antî demokratîk re dike û hat gotin, "Ji ber vê yekê, cihgirtina hêzên faşîst, nîjadperest, dijberê koçberan ên mîna AfD'ê li parlamenta Elmanyayê, tiştekî tesadûfî nîne."

Di daxuyaniyê de hat destnîşankirin ku zêdebûna qedexe û zextan li ser wan ferz dike ku li Elmanyayê jî têkoşîna demokrasiyê bimeşînin.

'PIŞTGIRIYA ME YA JI BO PYD, YPG Û YPJ'Ê WÊ DEWAM BIKE'

Saziyan dan xuyakirin ku hewldanên hikumeta Merkel ên ji bo krîmînalîzekirina hêzên demokrasiyê wê ti carî bi ser nekevin û diyar kirin ku qedexekirina PKK'ê ya ku kete sala 24'an û qedexekirina wêneyên Rêberê Gelê Kurd Abdullah Ocalan, al û sembolên Kurdan bi ti awayî mafdar û meşrû nîne.

Saziyan dan zanîn, qedexekirina alên PYD, YPG û YPJ'ê jî asteke nû ya piştgiriya ji bo dîktatoriya Erdogan û DAIŞ'ê nîşan dide û gotin, "Bi rêya van qedexeyan, polîtîkayên dîktator Erdogan ên li dijî Kurdan li Elmanyayê jî tê meşandin û bi vî rengî hevkarî ji polîtîkayên faşîst ên AKP-MHP'ê re tê kirin."

51 saziyan destnîşan kirin ku wê piştgiriya xwe ya ji bo PYD, YPG û YPJ'ê bidomînin û ev bang kirin:

"Em bang li hemû dezgeh û saziyên demokratîk û antî faşîst ên alîgirê mafên mirovan, demokrasî û azadiyê ne dikin ku bi hev re têbikoşin."

Sazî û organîzasyonên dest bi kampanyayê kirine ev in:

1.         KCDK-E / Kongreya Civaka Demokratîk a Kurdistaniyên li Ewropayê

2.         AvEG-KON/ Konfederasyona Koçberan a Bindest li Ewropayê

3.         TJK-E/ Tevgera Jinên Kurd li Ewropayê

4.         ATIK/ Konfederasyona Karkerên Tirkiyeyî li Ewropayê

5.         NAV-DEM / Navenda Civaka Demokratîk a Kurdistaniyên li Elmanyayê

6.         HDK-A (Kongreya Demokratîk a Gelan li Ewropayê)

7.         BAF (Fona Aştiyê ya Ewropayê ya li dijî Şer û Dîktatoriyê)

8.         ADHK / Konfederasyona Mafên Demokratîk li Ewropayê

9.         Yeni Kadın / Jina Nû

10.       YDG / Ciwanên Demokratîk ên Nû

11.       SKB / Yekîtiya Jinên Sosyalîst

12.       YS / Young Struggle

13.       Yaşanacak Dunya / Cîhanek lê bê jiyîn

14.       MDDK / Kongreya Gel a Demokratîk (Asûrî)

15.       FEDA / Federasyona Elewiyan a Demokratîk

16.       ADEF (Federasyona Yekîtiyên Dersimê ya Demokratîk li Ewropayê)

17.       Jinên Ciwanên Azad

18.       SYKP / Partiya Rizgariyê ya Jinûve ya Sosyalîst

19.       TAJE-E/ Tevgera Azadiyê ya Jinên Êzidî li Ewropayê

20.       FDG / (Federasyona Komeleyên Dersimê li Ewropayê)

21.       CÎK / Civaka Îslamî ya Kurdistanê

22.       NAV-YEK / Komeleyên Êzidiyan li Ewropayê

23.       Partiya Kesk û Çep

24.       Partiya Şoreşger li Ewropa

25.       ISKU

26.       YXK (Yekîtiya Xwendekarên Kurdistanê)

27.       KOMEW (Malbatên Mexdûr û Windayan)

28.       Meclîsa Şengalê ya Derveyî Welat

29.       Însiyatîfa Mereşê ya Ewropayê

30.       Însiyatîfa Kurecikiyan li Ewropayê

31.       Jinûve avakirina Dersimê

32.       Dusseldorf fur Kürdistan

33.       IL- Intervenstionische Linke

34.       FIDEF (Federaysona Komeleyên Karkeran li Elmanya ya Federal)

35.       TATORT - KURDISTAN

36.       AKKUSTAN

37.       KV Die Linke Dusseldorf

38.       NRW Landesverband Die Linke

39.       PYD -Ewropa

40.       Platforma Zagros

41.       PEKAN / Platforma Kurdên Anatoliya Navîn

42.       NOR-ZARTOK

43.       Platforma Dengê Girtiyan

44.       Kurdistan-Solidaritätskomitee Berlin

45.       MLPD (Marxistisch-Leninistische Partei Deutschlands)

47.       CENI e.V (Buroya Aştiyê ya Jinên Kurd)

48.       Partiya Azadiyê ya Mezopotamyayê (Asûrî)

49.       Meclîsa Sirgûnên li Ewropayê

50.       Platforma Derya Reş a li Ewropayê

51.       VVN-BdA Dusseldorf