5 girtiyên ji doza PKK'ê yên li Girtîgeha Tîpa T a Umraniyê bi awayekî keyfî sirgûnî Girtîgeha Tîpa E ya Umraniyê hatin kirin.

5 girtiyên ji doza PKK'ê girtî yên bi navê Dogan Kobanî, Kenan Altun, Sinan Bulbul, Seyîd Oktay û Refîk Eren bêyî daxwaza wan ji Girtîgeha Tîpa T a Umraniyeyê sirgûnî Girtîgeha Tîpa E ya Umraniyeyê hatin kirin. Li gorî agahiyên ji malbatên girtiyan hatin girtin, girtiyên birin Girtîgeha Tîpa E ya Umraniyeyê mafên wan ên spor, hevdîtin û sohbetê ji aliyê rêveberiya girtîgehê ve bi hincetên keyfî tên astengkirin.