Wezîrê Tirk Muammer Guler da diyarkirin ku, ji sala 2003’an heta 2012’an  354 hezar û 16 kes ji hemwelatiya  Tirkiyeyê hatine derxistin.

Parlementerê CHP’ê yê Erzincanê Muharrem Işik di derheqê 10 salen dawî de çand kes bûne hemwelatî û çend ji hemwelatîbûnê hatine derxistin pêşniyarpirek pêşkêşî Serokwezîrtiyê kir. Li ser navê Serokwezîrê Tirk Recep Tayîp Erdogan, Wezîrê Navxweyî yê Tirk Muammer Guler bersiv da pêşniyarpirsa  Işik da û aşkera kir ku, 8 hezar 244 kes bûne hemwelatî û  327 hezar û 946 kes jî ji hemwelatîbûnê derketine. 17 hezar û 826 kes ji mafê xwe yê hemwelatîbûnê wenda kirine.

Wezîrê Tirk Guler di nav kesên ku ji hemwelatiyê hatine derxistin da yek kes ji bo li gorî berjewendiyên Tirkiyeyê tevnegeriyane, 3 kesên ku di dema şer de ji dewletan re xizmet kirine û 5 kesên ku li gorî wezîfeya leşkeriyê tevnegeriyane hene.

Guler da diyarkirin ku, di nava deh salan de 124 hezar û  647 kes bûne hemwelatiyê Tirkiyeyê. Li gorî Guler da diyarkirin 44 hezar û 40 kesên Bûlgarî, 15 hezar 588 Azerî, 7 hezar 518 Rûs, 6 hezar 723 ji Qibrisa Bakûr, 6 hezar 335 Afganî û 3 hezar û 700 kesên ji Sûrî kirine hemwelatiyê Tirkiyeyê.

Li gorî agahiya ku Guler da, di sala 2012’an de ji 39 hezar û 185 kesên biyanî re destûra xebatê hatiye dayin, ji 52 hezar û 538 kesan re ji bo perwerdeyê bibînin destûr hatiye dayîn.