Konferansa ku her sal bi kevneşopî tê lidarxistin, bi Pêşengiya Komîsyona Welatiyan a Yekîtiya Ewropa Tirkiye (EUTCC), Kongreya Neteweyî ya Kurdistanê (KNK), Enstîtuya Kurd li Brukselê û KURD-AKAD'ê pêk tê. Gelek hêz piştgiriyê didin konferansê.

Çep a Yekbûyî/Kesk a Ewropayê (GUE/NGL), Tifaqa Pêşverû ya Keskan û Sosyalîst-Demokratan (S&D) destekê didin konferansê û ev kesayetên li qada navneteweyî bi nav û deng in, xwedî li konfederansê derdikevin: Xwediyê Xelata Aştiyê ya Nobelê yê ji Afrîka Başûr Serpîskopos Demond Tûtû, Xwediyê Xelata Aştiyê ya Nobelê Şîrîn Ebadî ya Îranî, Qasida Nêta Baş a Konseya Ewropayê û Seroka Weqfa Mafên Mirovan a Îngilîz Bîaca Jagger, Nivîskarê DYA'yê Prof. Noam Chomsky, Xwediyê Xelata Azadiyê ya Sakharov a Parlamenta Ewropayê siyasetmedara Kurd Leyla Zana.

Konferans weke her salê wê du rojan bidome. Konferansa 15'emîn bi dirûşma "Yekîtiya Ewropa, Tirkiye, Rojhilata Navîn û Kurd" tê organîzekirin û wê nîqaş bi giranî li ser sernavê "Faktora Kurdan a li nava siyaseta cîhanê: krîz, pirsgirêk û çareserî" bê kirin.

Gelek hiqûqnas, siyasetmedar, akademîsyen û nûnerên civaka sivîl ên ji Tirkiye, Kurdistan û deverên cuda yên cîhanê bibin qiseker û tevlî konferansê bibin.