Tekîn Aslan, Tayfûn Benol, Guney Dogan, Cemal Avşar, Vahdettîn Ozkan, Selîm Ors, Ahmet Katûrman, Azîze Onat, Fatma Esen, Dîcle Delî û Bînalî Korkmaz ên di komkujiya Enqereyê de jiyana xwe ji dest dan, îro li Stenbolê cenazeyên wan tên veşartin.

Ji bo yek ji damezrînerên Sendîkaya Înşaat-Îşê Tekîn Aslan saet di 14:30 de li ber Mala Cem a Kartalê wê merasîm were lidarxistin û li Goristana Aydinlikoyê bê veşartin. Di merasîmê de wê Hevserokê Giştî yê HDP'ê Selahattîn Demîrtaş jî amade be.

Cenazeyê kedkarê Sendîkaya Înşaat-Îşê Tayfûn Benol wê saet di 13:00 de ji Mizgefta Karacahmet Şakîrîn were rakirin û li Goristana Başibuyuk bê veşartin.

Cenazeyê xwendekarê Zanîngeha ÎTU Guney Dogan wê saet di 11:00 de ji Mala Cem a Sarigazî Taşdelen bê rakirin.

Cenazeyên Vahdettîn Ozkan, endamên Rêxistina HDP'ê ya Navçeya Uskudarê Cemal Avşar, Selîm Ors, Ahmet Katûrman û Azîze Onat wê saet di 12:30 de ji Mizgefta Yavûz Selîm a Umraniyeyê werin rakirin. Di merasîmê de wê Hevserokê Giştî yê HDP'ê Selahattîn Demîrtaş jî amade be.

Ji bo Fatma Esen wê li ber Komeleya Dihêyiyan a li Bazara Jinan a Fatîhê saet di 12:00 de merasîmek bê lidarxistin.

Cenazeyê xwendekara zanîngehê Dîcle Delî saet di 12:00 de piştî merasîma li Mizgefta Sîlîvrîkapi wê li Goristana Sîlîvrîkapi bê veşartin.

Ji bo cenazeyê Bînalî Korkmaz wê saet di 12:00 de li Tirba Garîp Dede ya Kuçukçekmece merasîm bê lidarxistin.