Berxwedana grevên birçîbûnê ku bi pêşengiya Leyla Guven ji bo bidawîkirina tecrîdkirina Rêberê Gelê Kurd Abdullah Ocalan dest pê kir, li Hewlêrê û herêmên din ên Başûrê Kurdistanê didome.

Nûnerê HDP'ê yê Hewlêrê Nasir Yagiz 156, Fadîle Tok 96, Herêm Mehmûd 61 û Nehro Xaneqîn jî 23 roj in di greva birçîbûnê ya bêdem-bêdorveger de ne. Pirsgirêkên tenduristiyê yên Nasir Yagiz zêde dibin. Greva birçîbûnê ya bêdem-bidorveger a ji bo piştgiriya berxwedana greva birçîbûnê li Hewlêrê dest pê kir, vê hefteyê bi koma 78'an didome.

Greva birçîbûnê ya bêdem-bidorveger a ji aliyê Saziya Karkerên Mezopotamyayê ya Silêmaniyeyê ve tê organîzekirin, 133 roj in dewam dike û koma 67'an çalakî dewr girt.