Li taxa Firatê ya Navçeya Peyasê ya Amedê agir bi avahiya ku li sîteya Rojava ye ket. Pêtên agir di demek kurt de zêde bûn û li avahiyê belav bû. Hejmara kesên di şewatê de jiyana xwe ji dest dane derket 4’an.

Der barê mijarê de Hevşaredarên Bajarê Mezin ên Amedê Dogan Hatûn û Serra Bûcak ji rûpela şaredariyê daxuyaniyek dan û wiha gotin: “Mixabin di şewata ku berê êvarê li bloka 13 qatî ya sîteyekî taxa Firatê ya Navçeya Peyasê ya Amedê derket de tevî hemû hewldanên agirkujiyên me jî 3 jê zarok 4 welatiyên me jiyana xwe ji dest dan.

Agir bi avahiya ku li sîteya Rojava ket. Pêtên agir di demek kurt de zêde bûn û li avahiyê belav bû. Di encama şewata avahiyê de 3 jê zarok 4 kesan jiyana xwe ji dest dan û herî kêm 23 kes jî birîndar bûn. Kesên birîndar rakirin nexweşxaneyên cuda yên Amedê. Şîfayê lezgîn ji bîrîndaran re dixwazin û ji malbata wan re jî sebrê dixwazin.”