Xwepêşandanên protestokirina qeyûman a li Wanê di roja 6’an de dewam dike. Girseya ku Hevşaredarên bajarê mezin, hevserok, parlementer û rêveberên partiyê jî di nav de ji bo daxuyanî bidin berê xwe dan Parka Dabbaoglûyê. Polîsan dor li HDP’iyan girtin û li pêşiya daxuyanî dayînê bûn asteng. Tevî hemû astengiyan jî HDP’iyan daxuyanî da.

Hevşaredara Bajarê Mezin a Wanê Bedîa Ozgokçe Ertan li vir axivî û got: “Ev biryar darbeyeke li dijî mafê hilbijarê û hilbijartinê ye. Darbeyeke siyasî ye. Em kesên ku vîna vî gelî ne. Gelên Wanê, Amed û Amedê çûn ser sindoqan û ji qeyûman re ‘Dengê’ na bikar anîn. Gel wê hesabê vê li ser bingeheke rewa bixwaze.” Herî dawî Ertan bang kir ku divê rêz ji vîna gel re bê girtin.

Gel ji ser Rêya Meraş ber bi Rêya Cûmhûryetê ve ketin meşê. Di meşê de bê navber dirûşmên ‘Bijî azadî’, ‘Li dijî qeyûman mil bi mil’, ‘Gelê Wanê xwedî li vîna xwe derkevin’, ‘Kurdistan goristan ji bo faşîstan’ û ‘Bi berxwedanê em ê bi ser bikevin’ qîr kirin.