Walîtiya Şirnexê di daxuyaniya xwe de ku îro da, ragihand ku ji xeynê çalakiyên walîtî û qeymeqamtiyan li navenda bajêr wê bi dehan xwepêşandan, meş û çalakî qedexe bin.

Walîtiyê di daxuyaniya xwe de wiha gotiye: ‘’Ji xeynê çalakiyên ku Walîtî û Qeymeqamtî jê re bibêjin erê û bername, cejinên fermî, rojên bibîranînê yên fermî, meresim û pîrozbahiyên fermî ku wê ev sazî li dar bixin, Xebatên sportîv ne di nav de, wê meş û xwepêşandan, meresimên birêkirin û pêşwazîkirinê yên bi komî, daxuyaniyên çapemeniyê, çalakiyên rûniştinê, mîtîng, vegirtina konan, kampanyayên berhevkirina îmzeyan, danîna standan, meresimên girseyî yên ji bo cenazeyan û serdana li goristanan, meresimên bibîranînê, şahî, konser, lîstîk û wd. xebatên bi her awayî yên bi deng û dîmen, firandina balon û dron û wd. ji xeynê xebatên bazirganiyê yên xwedî hiqûqa taybet û dewletî, belavkirina belavokan, daleqandina afîş û pankartan, li nava Şirnexê û navçeyên wê, di nava hemû sînorên bajêr de, roja 16’ê Îlona 2023’yan saet ji 00.01’ve ta bi roja 25’ê Îlona 2023’yan heta bi saet 23.59’an di deh rojan hatine qedexekirin.’’