Tevgera Azadî ya Civaka  Kurdistanê têkildarî xwepêşandanên Herêma Kurdistanê daxuyaniyek weşand. Di daxuyaniya de ku di malpera fermî ya Tevgerê de hat weşandin piştgiriya daxwazên xwepêşandanan hat kirin û hat diyarkirin ku ti rewabûna desthiladariya Başûrê Kurdistanê nemaye û divê hilweşe.

Di daxuyaniyê te ji bo çareseriya pirsgirêkan ev xal hatin rêzkirin:

"1- Li gorî me, ti rewabûna vê desthilatdariyê nemaye û divê hilweşe. Di çarçoveya projaya Tevgera Azadî ya  Civaka Kurdistanê de ya k çareserkirina pirsgirêkên Başûrê Kurdistanê, meclîseke demkî were avakirin. Ji bo ku ji bo heya hilbijartinan karên hene bi rêve bibe û rêveberiyek rewa pêk bîne. Ji bo vê yekê jî divê hilbijartinên azad bi rêve bibe.

2- Divê desthilatdarî li hemberî xwepêşandan û daxwazên rewa yên gel tundûtûjiyê bikar neyîne. Divê vê rastiyê bizane bikaranîna her cure tundî rewşê aloztir dike û derketina ji rewşê zehmet dibe. Tişta ku pêwîst e desthilat bike, bersivdayîna daxwazên rewa yên gel in. Di vê çarçoveyê de divê kesên tundûtûjiyê dikin, erkê wan çi dibe bila bibe divê lêpirsîna wan were kirin û cezakirin. Hemû kesên ji aliyê hêzên ewlehiyê ve hatine desteserkirin divê werin berdan.

3- Em bang li  her kesî dikin  û aliyên mûxelefê ku ên bi xema berpirsyartiyê  ne, desteyek  rêveberiya xwepêşandana pêk bînin. Ji bo xwepêşandan bi awayekî rêxistinkirî pêk werin. Ji bo rêyên çareseriya demokratîk û  ji her karên tundûtûjiyê, şewitandina cihên giştî, têkdanê dûr be.

4- Em Tevgera Azadî ya  Civaka  Kurdistanê ji bo xwepêşandanan em piştgiriya gel û  daxwazên wan ên bi awayekî aştiyane û demokratîk dikin. Herwiha em  heval û dostên xwe agadar dikin ku bi rengekî demokratîk deng û rengê me nîşan bidin. Em bi ti awayekî ne ligel wan in ku tundiyê pêş dixin. Divê heval û dostên  me xwe jê dûr bigirin."