Piştî çalakiyên greva birçîbûnê ya li dijî tecrîda giran a li ser Rêberê Gelê Kurd Abdullah Ocalan ji aliyê Hevseroka KCD’ê û Parlemetera HDP’ê Leyla Guven û zindanan hate destpêkirin û şûnde, komek ji karkerên Mezopotamya ev 15 roj in ketine greva birçîbûnê. Parlemeterên Fraksyona Partiya Nifşê Nû serdana çalakvanan kirin.

Di pêvajoya van 15 rojan de bi dehan aliyên siyasî û saziyên cuda serdana çalakiya greva birçîbûnê ya karkerên Mezopotamya dan. Îro piştî nîvroyê Parlemeterên Partiya Nifşê Nû Yesra Receb û Serkewt Şemsedîn yên Parlementoya Iraqê serdana çalakgeran kirin. Di serdanê de parlementeran piştgiriya xwe ya ji bo çalakiyê anî ziman.