PDK a ku bi dewleta Tirk re tevdigere, provokasyonên xwe zêde dike. Li qadên Dinartê û Sorçiyan ên navçeya Akrê, hêzên çekdar ên Malbata Barzanî di nava hewldanên provokasyonê de ne. PDK hewl dide baregehên nû li herêmê ava bike.
Li Deşta Nehlê hêzên PDK'ê bi muxtarên gundên Deşta Nehlê re ketiye nav pêwendiyê û hejmara telefonên şivanan ji wan xwestin.
Van hêzan bi telefonê teklîfa sîxuriyê li şivanên herêmê kirin û li gor agahiyan van hêzan ji şivanan re wiha gotine, "Dema hûn ajalên xwe dibin çiya, hûnê wargehên gerîla tespît bikin û koordînatên wan ji me re bêjin."
Heman hêz her wiha bi droneyan li herêmê keşfê dikin.
Hêzên ser bi PDK'ê li qada Sorçiyan a girêdayî Dînartê li ser noqteyên xwe hêz zêde kirine û gelek noqteyên nû jî li vê derê vedane.
Ji bo van noqteyan 10 wesayitên zirxî yên hammer û gelek çekên giran hatine veguhastin.
