Ajansa Nûçeyan a Rojnewsê ku ji Başûrê Kurdistanê weşanê dike, ragihand ku nûçegihanê wan Zûsik Hemed hatiye destgîrkirin. Nûçegihand Zûsik ku ji Asayîşa Çomanê bang li wî hate kirin, piştî ku li vir hate destgîrkirin ew birin Asayîşa Navçeya Soranê.

Xizmên Hemed diyar kirin ku Zûsik Hemed ji ber ku destgîrkirina ciwanên li bajarokê Qesrê li ser tevna dîjîtal şermezar kir û piştgirî da daxwazên wan, ji aliyê hêzên asayîşê ve hate destgîrkirin.

Nûçegihan Hemed di wê parvekirina xwe de xwestibû ku rayedar guh bidin daxwazên ciwanan. Beriya niha jî gelek nûçegihanên Rojnewsê bûn hedefa zext û zordariya PDK'ê û Asayîşa Başûrê Kurdistanê.