Nobeda çalakiya ‘em hemû asayîş in’ didome
Çalakiya nobeda xelkê Êzidî ya li dijî peymana Bexda-PDK ya 9’ê Cotmehê pêk hatibû, di roja 74’an de dewam dike.
Welatiyên Şengalê di çerçoveya li dijî peymana Bexda û PDK’ê ya li ser Şengalê de, bi armaca piştgirîdayîna Asayişa Êzidxanê, li pêşiya Navenda Asayişa Şengalê kon vedane.
Çalakiya ku bi dirûşma “Em hemû asayiş in” hatiye destpêkirin di roja xwe ya 74’an de ji aliyê meclis û saziyên Şengalê ve dewam dike.
Xelkê Şengalê kom bi kom serdana konê berxwedanê dikin û pişgiriya xwe ya ji bo çalakiyê tînin ziman.
