Encamên hilbijartinên meclîsên bajaran ên di 18’ê Kanûnê de li Iraqê hatin lidarxistin, eşkere bûn. Li gorî daxuyaniya komîsyonê ji 15 milyon û 108 hezar û 135 hilbijêran ji sedî 41 çûne ser sindoqan. Di hilbijartinên meclîsa bajarê Kerkûkê de YNK bi Tifaqa Kerkûk Hêz û Îradeya Me ye bû partiya yekem.

Navendeke din a balkêş a hilbijartinan Şengal bû. Gelê Şengalê dengê xwe da Meclîsa Nînowa/Mûsilê.

Partiya Azadî û Demokrasiya Êzidiyan (PADÊ) bi hin partiyan re ku YNK jî di nav de ye, tifaqa Yekîtiya Gelê Nînowayê ava kiribû.

PADÊ di çarçoveya hilbijartinan de 4 namzet diyar kiribû. Hat ragihandin ku yek ji namzedan Kasim Keşko bû û li gorî encamên hatin eşkerekirin bi ser ket.