Li gorî nûçeya Rojnewsê li herêma Bradostê xaniyê pêşmergeyê berê yê Oxiz Beg hatiye bombekirin.

Oxiz Beg kesayeket diyar ê herêma Biradostê ye û li Biradostê fermandarê berê yê pêşmergeyên Yekîtiya Nîştimaniya Kurdistanê (YNK) bû.

Oxiz Beg li gundê Heyet ê deşta Berazgir yê herêma Biradost xaniyek mezin ava kiriye û hîn serê wî girtîbû, lê ji aliyê Partiya Demokrata Kurdistanê (PDK) û dewleta Tirk ve hate topbarankirin.

Têkildarî sedema topbaranê Oxiz Beg got: “Ji ber ku ez radestî Tirkiye û PDK’ê nebûm wiha kirin. Tirkiye û PDK li herêmê serwer e. Di nava YNK’ê de me û dostê PKK’ê bûm. Ez ê îxanetê nekim û radestî wan nebim. Lewma li xaniyê min dan. Hemû xelkê Balekayetî û Biradost vê rastiyê dizane.”

Oxiz Beg têkildarî ka peywendî li gel berpirsên PDK’ê re kiriye yan ne jî got: “Biraziyê Serokê PDK’ê Mesûd Barzanî, Behzad Luqman li vî sînorî ye. Ez qet li gel wan naxivim. Ez Kurd im û min xiyanet nekiriye. Lewma wiha êriş dikin. Eger milyonan dolar bidin min jî ez ê xiyanetê nekim.”