Hêzên çekdar ên rejîma AKP'ê, bi rengekî bê navber xaniyên Kurdan ên li taxa Alîpaşa ya Sûrê xera dikin.

Polîs û zabite duh ketin nava taxê û xwestin Mala Şînê ya Alîpaşayê xera bikin, ku ji aliyê şaredariya DBP'yî û gel ve hatiye çêkirin. Polîsên Tirk ên ewilî dest danîn ser alavên li avahiyê, ji ber berxwedana gel neçar ma alavan deyne û xwe ji taxê vekişînin. Bi dehan polîsên Tirk îro jî ketin nava taxê û bi pêşengî û kontrola van polîsan, kepçeyan dest bi xerakirina Mala Şînê ya Alîpaşayê kirin.

Rojnamevanan xwestin dîmen bikişînin, lê belê polîsan ew derxistin devreyî bendan û bi vî rengî nehiştin dîmen bigirin.