Li Tebqayê di şer de bi dehan çete hatin kuştin
Çeteyên DAIŞ'ê ji bo dorpêçiya şervanên QSD'ê ya li Tebqayê bişikînin êrîşên giran kirin. Ev êrîş hatin şikandin û di encama şer de bi dehan çete hatin kuştin.
Li herêma navbera rojhilat-bakurê bajarê Tebqayê û bendava Firatê, ji duh serê sibehê heta nîvê şevê şerekî dijwar qewimî. Êrîşên çeteyan ên li vê herêmê hatin şikandin.
Di şer de bi dehan çete hatin kuştin. Duh bi şev cenazeyên 8 çeteyan, tevî çekên wan ketin destê şervanên Hêzên Sûriyeya Demokratîk (QSD).
Çeteyan danê vê sibehê careke din êrîş kirin. Hêzên QSD'ê di cih de bersiv dan êrîşê û şer derket. Şerê li vê herêmê dewam dike.
