Bi biryara hikumeta herêma Kurdistanê ofîsên Tevgera Azadiya Civaka Kurdistanê (Tevgera Azadî) li herêma Silêmaniyê hatin girtin. Lê îro bi beşdarbûna Hevserokên Giştî yên Tevgera Azadî û endamên wê 2’emîn Konferansa Tevgera Azadî ya Herêma Silêmaniyê tê lidarxistin. Konferans vê sibê dest pê kir û wê heta êvarî bidome.

Derbarê armanc û bernameya konferansê de Endamê Komîteya Amadekar a Konferansê Rehman Resûl ji ANF'ê re axivî û got; "Konferans bersiva herî baş e ji bo desthilatdariya ku dixwaze xebatê me asteng bike û ofîsên me bigre."

Resûl bi domdarî got; "Di konferansê de wê rewşa siyasî û rêxistinî were nirxandin. Wê hevserokên nû yên herêma Silêmanî û meclîsa nû were hilbijartin."