Çavkaniyên herêmî gotin, li dijî leşkerên Tirk ên ku li herêma Sîdekanê ya Başûrê Kurdistanê êrîşên xwe yên dagirkeriyê didomînin, duh çalakiyek hate kirin.

Hate ragihandin, ku di dema derbasbûna leşkerên Tirk de teqemeniya ku gerîla li herêmê bi cih kiribû teqiya û di encamê de gelek leşkerên Tirk mirin û birîndar bûn.

Duh danê nîvro jî li dijî leşkerên Tirk ên li girê Alîşer ê navçeya Geverê bi cih bûbûn çalakiyek hate kirin û gelek leşker li vir jî mirin û birîndar bûn.

Çav li rê ye ku Navenda Ragihandin û Çapemeniyê ya HPG'ê di nava rojê de daxuyaniyeke berfireh bide.