Nerazîbûna li hemberî dîlgirtina Hevseroka KCD’ê Leyla Guven didome.

Rêxistina HDP’a Sêrtê jî li pêşiya avahiya partiyê daxuyaniyek da çapemeniyê. Parlementerê HDP’ê Siddik Taş, hevserok û rêveberên HDP’ê yên navçeyan tevlî daxuyaniyê bûn.

Taş diyar kir ku bi fermana qesrê re Guven hatiye girtin û got, “Li her qada jiyanê li ser Kurdan êrîşeke mezin heye. Qeyyûm, fezleke, girtin, destgîrkirin, tacîz û tecawiz tiştên sereke ne. Desthilatdarî li hemberî van êrîşan nikare bi ser bikeve û ji ber wê jî êrîşên xwe zêde dike. AKP êrîşî Kurdan dike û dixwaze MHP’ê tatmîn bike. Lê çiqasî êrîş were kirin jî ev gel bi paş ve gav neavêt.”

Taş diyar kir ku girtina Guven darbeyeke siyasî ye û banga berxwedanê li hemû kesan kir.