Li Rihayê doza têkildarî siyasetmedarên HDP’yî ku 12’ê Kanûna 2016’an hatibûn girtin, îro rûniştina biryarê ya dozê li 6’emîn Dadgeha Cezayê Giran pêk hat. Daxuyaniyên çapemeniyê, beşdarbûna cenaze û taziyeyan hincet hatin nişandian û ji bo 3 girtî û 5 kesên ku dihatin darizandin, ceza hate dayîn.

Ji siyasetmedaran Encumenê Şaredariya Bozova ya DBP’yî Bayram Aslan 7 sal 10 meh û 15 roj, ji bo rêveberê berê yê Rêxistina Navçeya Wêranşar a DBP’ê Mahmût Kaya 8 sal û 6 meh, ji bo hevserokên berê yên HDP’yî Mehmet Çîçek û Mahîde Kûrttekîn 9 sal, ji bo hevseroka navçeyê ya berê Parêzer Sevda Çelîk Ozbîngol jî salek û 8 meh cezayê girtîgehê hate dayîn.

Heyeta dadgehê bersûç Ozbingol û Aslan ne tê de, ji bo hemû siyasetmedarên din biryara dewama ragirtinê da.