Di pîrozbahiya 4’ê Nîsanê ya ku gel eleqeyk mezin nîşanda de, di peyama hevpar de azadiya Ocalan hate xwestin. Gel ê ku 4’ê Nîsanê di heman demê de weke jidayîkbûna xwe qebûl kirin, ev peyam da: “Em jiyanekî bê Rêbertî qebûl nakin.”

JI BO JIYANEKÎ NÛ DAR HATIN ÇANDIN

Piştî pîrozbahiya ku bi deqeyek rêzgirtinê destpê kir û şûnde, weke her salê, îsal jî 4’ê Nîsanê dar hatin çandin. Ji heftsalî heta heftê salî hemû gel û gerîla li Qendîlê 4’ê Nîsanê ji bo sembala jiyanekî nû dar çandin.

‘4’Ê NÎSAN DI HEMAN DEMÊ DE ROJA JIDAYÎKBÛNA HEMÛ JINA NE’

Piştî çandina daran û şûnde Hevşaredara Binarê Qendîlê Emîne Abdullah axaftinek kir. Emîne Abdullah a ku roja jidayîkbûna Ocalan û hemû gelê Kurd pîroz kir wiha got: “Birêz Ocalan ev 18 sal in li Girava Îmraliyê tê girtin. Ji bo azadiya Rêberê Gelê Kurd Abdullah Ocalan divê hemû gel têbikoşîn û xwedî lê derkevin. Rojbûna Rêberê Gelê Kurd Abdullah Ocalan di heman demê de tê wataya ji nû ve xuliqîna hemû jinan û azadiya wan.”

Piştî axaftinan û şûnde gelê Qendîlê û gerîlayan bi yek dengî dirûşmên “Rojbûna te pîroz be ey Serok Apo”, “Bijî Serok Apo” û “ Bê Serok jiyan na be” qîr kirin.