Li Merîwanê bi sedan kesên ku diyar kirin di hilbijartinên Rojhilatê Kurdistanê de fen û fût hatiye kirin, ber bi qaymaqamiyê ve meşiyan. Bi sedan Merîwaniyan diyar kirin ku bi wesayîtên ku plakaya wan a Tehranê bû deng hatine dizîn û ji taxên cihê ber bi qaymaqamiyê ve dimeşin.

Hatibû diyarkirin ku li Merîwanê 4 endamên Îtlahat (Servîsa îstîhbaratê ya Îranê) yên ku bibûn namzetên meclîsa bajêr bi sed milyon tumenan, 6 sindoqên hilbijartinê kirîne.

ANF’ê xwe gihand peywirdarekî sindoqê û peywirdar diyar kir ku bi plakayên Tehranê hilbijêr hatine û kesên ku qeyda wan ne li ser Merîwanê ne jî dengê xwe dane.

Li bajarên Ûrmiye, Sine û Xoy ên Rojhilatê Kurdistanê jî heman fen û fûtên hilbijartinê çêbibû û gel li wê derê îtîrazî encamên hilbijartinê kiribûn.

Li Merîwanê alozî hê jî didome.