27'ê Tîrmehê li navçeya Geverê ya Colemêrgê, di dema derbasbûna wesayîta eskerî de teqînê rû da. Teqîn li nêzî gundê Yêkmala Jêrî ya di navbera Gever û Şemzînanê de pêk hat. Di teqînê de 11 jê giran 19 esker birîndar bibûn. Piştî teqînê, derdorên gundan, hemû rêyên çûyîn û hatinê yên navbera Gever û Şemzînanê heya 8 saetan hat girtin û dorpêç kirin.

Eskerên li herêma teqînê lêkolîn kirin, bi şev nêzî 10 gundî û 2 şivanên li gundên Pagê û Yêkmala Jêrî destgîr kirin. Gundî doh bi şev hatin berdan. Lê şivan Levent Er û Harûn Geçîrgen hîn destgîrkirî ne. Hat diyarkirin ku êşkence li şivanên destgîrkirî hatiye kirin. Di heman demê de Miduriyeta Polîsan a Geverê, derbarê bûyerê bang li Azad Geçîrgen û 2 kesekên navên wan nehatin zanîn, kirin ku biçin qereqolê û îfade bidin.

Ji bo şivanên destgîrkirî û 3 kesên çûn Miduriyeta Polîsan îfade bidin, biryara sînordarkirina parêzeran hatiye dayîn.