Li Bedlîs û Erzînganê şer

HPG'ê ragihand li Bedlîsê 3 leşker hatine kuştin, 4 leşker birîndar bûne û gerîlayek şehîd bûye. Hate gotin di şerê Erzînganê de çend leşker hatin kuştin û birîndar bûne zelal nebûye.

Navenda Ragihandin û Çapmeniyê ya HPG'ê derbarê çalakî û şerê li Bakurê Kurdistanê daxuyaniyeke nivîskî da, HPG'ê ragihand li Bedlîsê 3 leşker hatine kuştin, 4 leşker birîndar bûne û gerîlayê bi navê Şahan şehîd bûye.

HPG'ê her wiha ragihand li Êlihê jî gerîlayek dîl ketiye, derbarê şer û êrîşa hewayî ya artêşa Tirk a li Erzînganê agahî da.

Daxuyaniya di malpera HPG'ê de wiha ye:

LI BEDLÎSÊ OPERASYON Û ŞER

"Roja 16’ê Îlonê seat 11:00’an artêşa TC’ê goristan û derdora wê ya li herêma Şehîd Mizgîn a Bedlîsê  bombeberan kir. Operasyona ku bi desteka balafirên keşfê, balafirên şer û helîkoptera kobra seat 17’an de herêm bombebaran kirin. Di dema bombebaranê de di navbera hêzên me û leşkerên ku bi helîkoptera skorsky dixwestin li herêmê dane şer qewimî. Di şer de 3 leşkerên dijmin hatin kuştin û 4 jî birîndar bûn. Di şer de rêhevalê me Şahan heta fîşeka xwe ya dawî bi lehengî şer kir û şehîd bû. Nasnameya rêhevalê me yê şehîd wê piştre bi raya giştî re were parvekirin. Operasyon roja 17’ê Îlonê seat 15:00’an de bê encam bi dawî bû.

LI ERZÎNGANÊ ŞER

Roja 15’ê Îlonê seat 22:30’an de gerîlayên me li geliyê Magaçûr yê herêma Çaglayan ya navenda Erzînganê bi artêşa TC’ê re hatin pêşberî hev û şer qewimî. Di şerê demekî kurt de hejmara kuştî û birîndaran nehate zanîn. Piştî şer artêşa TC’ê sibeha 16’ê Îlonê dest bi operasyonê kir.

LI ÊLIHÊ HEVALEKÎ ME KETE DESTÊ DIJMIN

Roja 15’ê Îlonê hevalê me Rojhat (Saît Îlmîn) li navçeya Kozlûk a Êlihê dema bi erka xwe radibû kete destê hêzên dijmin.

ÊRÎŞÊN HEWAYÎ

Balafirên şer ên artêşa TC’ê li dijî bejahiya Colemêrg û Herêmên Parastinê yên Medyayê êrîşên hewayî pêk anîn. Di vê çarçoveyê de agahiyên têkildarî êrîşên hewayî wiha ne;
Roja 18’ê Îlonê seat 10:00’an balafirên şer bombe li girê Kartal yê navçeya Gever a Colemêrgê û seat 16:45’an de girê Kesta yê herêma Metînayê barandin.
Roja 17’ê Îlonê balafirên şer di navbera seat 10:00 - 12:00’an de bombe li herêma Kûnîşka û Şehîd Rûstem ya herêma Zap û geliyê Kesta û herêma Werxelê ya Metînayê barandin."