Li Bane kolberek hate qetilkirin, 2 kolber jî birîndar bûn
Li herêma Bane ya Rojhilatê Kurdistanê di êrîşa hêzên çekdar ên dewleta Îranê de kolberekî jiyana xwe ji dest da, 2 kolber jî birîndar bûn.
Li gorî agahiyan, pêr hêzên dewleta Îranê li herêma Hengejal a bajarê Bane yê Rojhilatê Kurdistanê gule li komeke kolberan barandin.
Di encama wê gulebaranê de kolberekî jiyana xwe ji dest da û 2 kolber jî birîndar bûn.
Navê kolberê hate qetilkirin Şehram Wasilî ye û ji xelkê Bane ye.
Navê 2 kolberên hatinî birîndarkirin nehate zanîn.
Li gorî agahiyên ji heman herêmê tên parvekirin, hêzên dewleta Îranê, li ser heman sînorî tevî kelûpelên leşkerî gelek hêz bi cih kiriye û ji xelkê herêmê re gotine ku heta agahiyeke din divê li wê herêmê tev negerin.
