Li navçeya Licê ya Amedê, operasyonek berfireh dest pê kir. Li bejahiya navçeyê bi helîkopteran leşker hatin danîn. Duh bi helîkopterên bi tîpa kobra bejahiya gundê Derxustê hate bombekirin û dîro danê sibehê jî helîkopteran leşker danîn derdora gundikê Dewaxey ê ser bi gundê Xosorê yê li bakurê Licê.

Leşkerên li bejahiya vê herêmê belav bûn, agir berdan daristanê. Gundî dibêjin ew nikarin biçin bostanên xwe û nikarin heywanên xwe biçêrînin.

Gundiyan gotin, operasyonê danê vê sibehê dest pê kiriye û gav bi gav dorfireh dibe.