Leşker mecbûr in ku sivîlan qetil bikin!
Têkildarî lêpirsîna leşkerên ku di merasîma cenaze de sivîl qetil kiribûn, biryara neşopandinê hate dayîn.
Têkildarî lêpirsîna leşkerên ku di merasîma cenaze de sivîl qetil kiribûn, biryara neşopandinê hate dayîn.
Ji bo 3 gerîlayên ku li Solaxana Çewlikê jiyana xwe ji dest dabûn li Pasûra Amedê di 24’ê Kanûna 1991’an de merasîma cenaze hatibû lidarxistin. Di vê merasîmê de 7 sivîl ji aliyê leşkeran ve hatibûn qetilkirin. Serdozgeriya Komarê ya Amedê têkildarî lêpirsîna vê dozê biryara neşopandinê da. Têkildarî 37 leşkerên ku bûbûn sedema qetilkirina 7 kesan û birîndarbûna 2 kesan biryara neşopandinê hate dayîn.
Ji ber gulereşandina leşkeran Mehmet Nesîp Altin, Neytûllah Ekîn, Hayrettîn Demîrtûyî, Felemez Bûlût, Omer Ozturk, Alî Mîltaş û Şahîn Tekîn li cihê bûyerê jiyana xwe ji dest dabûn û Mehmet Şah Tekîn û Şeyhmûs Altindag jî birîndar bûbûn. Hat diyarkirin ku di lêpirsînê de Fermandarê Jendirmeyan ê Bajêr ê Amedê yê wê demê Îsmet Yedîyildiz û 3 kesên din ji ber ku jiyana xwe ji dest dane, ji dosyeya lêpirsînê hatine derxistin.
QETLÎAM JI MECBÛRÎ YE!
Di bûyerê de hate qebûlkirin ku sivîl hatine kuştin û hate diyarkirin ku di bûyerê de bikaranîna çekan mecbûrî bûye.
Parêzerê kesên hatine qetilkirin Nahît Eren ji bo rakirina biryara neşopandinê serî li Dadgêriya Cezayê ya Sulhê ya Amedê da.