Koordînasyona Komalên Ciwan îro daxuyaniyeke nivîskî da, diyar kir ku faşîzm jî û berxwedan jî didome û diyar kir ku destkeftiyên Kurd têne armanckirin.

Komalên Ciwan diyar kir, "A ku polîtîkayên faşîst tev dide, avaniya dewletê ya çeteyî AKP bi xwe ye. Faşîzma AKP-MHP’ê hebûna xwe li ser tinekirina Kurdan sêwirandiye" û wiha domand:

"Bi çarçoweya vê stratejiya xwe hemû bajarên Bakurê Kurdistanê bi xwînxwarî kavil kirine, ji bo ku destkeftiyên gelê Kurd bişkîne li Şengalê û Qereqoçê êrîşên hewayî pêk aniye, li Başûrê Kurdistanê ji bo ku rewşa kaosê girantir bike bi hêzên hevkar re rabûne. Herî dawî jî 6’ê Kanûnê dewleta Tirk a faşîst di encama polîtîkayên îmhayê de ku bi salan didomîne bûne penaber, bi ser gelê me yê Mexmûrê de êrîşa hewayî pêk anîne, ji  hêzên ku parastina kampê dikirin, 5 hevrêyên me şehîd bûne."
 
'HESABÊ WÊ ZÊDETIR WÊ WERE STANDIN'

Koordînasyonê bal kişande ser pêngava Serî Hilde û wiha got:

"Me ciwanên Kurdistanê li dijî polîtîkayên îmhayê ku bi salan e didome  serî netewand, bi berxwedanî û leheniyeke mezin me dor li faşîzmê teng kir. Pêngava me ya Serî Hilde ya ku bi armanca bi temamî tasfiyekirina van polîtîkayan me daye destpêkirin li Kurdistanê û li derveyî welêt bi xwedîderketineke mezin hate pêşwazîkirin. Pêngava me ji mêtingeran re bû şevreşk. Di nav çarçoweya pêngavê de yek ji devera ku xwedîderkitine berz nîşan dayî Kampa Mexmûrê ya Şehîd Rûstem Cûdî bû. Ji bo Mexmûrê ku êrîş bi ser de hatiye, em bang li hemû ciwanên şoreşger û welatparêz dikin ku di nav çarçoweya pêngava Serîl Hilde de rabin ser piyan. Xwedîderketina li gelê Mexmûrê û ji bo ku careke din polîtîkayên îmhayê bi ser wan de nebin, peywira sereke ya ciwanên Kurdistanê ye. Divê AKP û hêzên îmhaker a ku AKP wan tev dide vê baş bizanibin ku Kurdistan ji faşîzmê re wê bibe goristan, hesabê van êrîşan bi zêdetirî wê were standin.

BANG

Ciwan li dora vê pêngavê li hev civiyane. Em bang li tevahiya ciwanên Kurdistanê dikin ku ji ber êrîşa li Mexmûrê hate kirin dakevin qadan û jiyanê li faşîstan biherimînin. Divê bi serhildanê nîşanî hemû hêzên mêtinger bidin ku gelê Mexmûrê bi tenê nîne û wê xwîna şehîdên me li erdê nemîne. Pêwîste hemû ciwanên li Kurdistan û Ewropayê bi çalakiyên 'Serî hilde' bersivê bidin êrîşê. Em careke din hevrêyên xwe yên şehîd bûne bi rêzdarî û minetdarî bi bîr tînin û weke ciwanên Kurdistanê soz didin ku em ê bi mezinkirina çalakiyên xwe tola wan hilînin û faşîzmê ji holê rakin. Em bang li tevahiya ciwanên Kurdistanê dikin ku ji bo tolhildana van şoreşgeran serî hildin."