Şaxa PADÊ'yê ya Silêmaniyê ji bo Endamê Kordînasyona Civaka Êzidî Zekî Şengalî yê di 15'ê Tebaxê de li Şengalê di êrîşa dewleta Tirk de şehîd bû, li Ofîsa PADK’ê ya Girê Elî Nacî yê Silêmaniyê konê sersaxiyê veda.
Îro bi dehan kes, sazî û rêxistinên civaka sivîl serdana konê sersaxiyê kirin û sersaxî ji hemÛ gelê Kurd û Êzidî re xwestin. Herwiha KODAR, RJAK, Tevgera Azadî ya Civaka Kurdistanê, Bereya Demokrasiya Gel û gelek saziyên din serdana konê sersaxiyê kirin û ji aliyê nûnerên PADÊ'yê ve hatin pêswazî kirin.
Di konê sersaziyê de berpirsê şaxê PADÊ yê Silêmaniyê Şêx Cemal Qasim sersaxî ji hemû civaka Êzidî re xwest û diyar kir ku ji bo Şehîd Mam Zekî Şengalî 3 rojan konê sersaxiyê vedane.
Qasim diyar kir ku deriyê wan ji her kesê re vekiriye ku serdana wan bike û anî ziman ku Şehîd Mam Zekî şehîdê gelê Kurd e.
Dîsa di donê sersaxiyê de Hevserokê Tevgera Azadî Hacî Azad axivî û sersaxî ji hemû kesî re xwest. Azad bal kişand ser têkoşîna Mam Zekî Şengalî û got: “Mam Zekî 40 sal jiyana xwe ji bo têkoşîna gelê Kurd borand.Mam Zekî ji bo me rûmeteke ku heta heta ji bîra me neçeû û xwedî lê derbikevin. Em soza têkoşînê heta serkeftinê didin.”
