Duh di saetên piştî nîvro de balafirxaneya çandiniyê ya Erbet ya girêdayî Silêmaniyê ji aliyê balafira bêmirov ve hate bombebarankirin. Di encama êrîşê de 3 endamên Têkoşîna Dijterorê şehîd bûn û 3 jî birîndar bûn.

Ji bo şehîdan li mizgefa Ehmedî Hacî Elî ya li Silêmaniyê bi amadebûna xizm, heval, welatî û gelek aliyên siyasî konê sersaxiyê hat danîn. Welatî, aliyên siyasî, kesayet û nûnerên partiyan kom bi kom serdana sersaxiyê kirin.

Cenazeyê endamê Têkoşîna Dijterorê yên di êrîşa li ser balafirxaneya Erbet de şehîd bûne, Êvan Ednan li Silêmaniyê û Hîwa Qadir jî li Kerkûkê hatin veşartin.