Hawirdorparêzê ji Merîwanê Şerîf Bacwer, ji bo kuştina kolberan bi destê rejîma Îranê şermezar bike, bi bisiklêtê ji Merîwanê berê xwe da Tehranê.

Bacwer roja 11'ê Îlonê bi rê ket û îro li bajarê Dêgulan ê herêma Leylakê ji aliyê gelek welatiyan, nûnerên rêxistinên civakî yên sivîl û hawirdorparêzan ve hate pêşwazîkirin.

Bacwer beriya niha jî gelek caran ji bo parastina xwezayê û şermezarkirina êrîşên rejîma Îranê tevlî gelek çalakiyan bûbû. Par ji ber çalakiyeke xwe, îstîxbarata Îranê (Îtlaat) dikana wî ya li Merîwanê şewitandibû.