Di daxuyaniyê de ya ku ji aliyê Fermandariya Eyaleta Serhedê ya HPG’ê hate kirin, derbarê yekîneyên kontrayê yên dewleta Tirk agahî hatin dayîn.

HPG’ê navê hin gundan jî da û cerdevanên li vir hişyar kir.

Daxuyaniya Fermandariya Eyaleta Serhedê ya HPG’ê wisa ye:

“Artêşa Tirk a dagirker a ku di serî de Tendurek li herêma Serhedê nikare ji operasyonên xwe yên dagirkeriyê encaman werbigire, ji bo ku gel bera ber hev dibe û derbeyan li gerîlayên me bixin, cerdevaniyê bi pêş ve dibe. Di heman demê de ji gelên din mirovan tînin herêmê û wan wekî leşkerên dewşirme bi kar tînin. Li hemberî gundên Geliyê Zilan ê ku di bîra Kurdan de bi qasî berxwedana Kurdan bi qetlîama dijmin jî şop hiştiye, pêkutiyeke sîstematîk tê kirin û ambargo tê pêkanîn.

Gundên gelek cerdevan û kontra hene yên ku bi zanebûn an jî bi nezanî bûne amûrên dewletê, berê ji aliyê hêzên me hatine hişyarkirin û hatibû diyarkirin ku bila beşdarî operasyonên dagirkeriyê nebin û kirinên xwe yên kontrayî bidin sekinandin.

Em careke din dixwazin cerdevan û kontrayan hişyar bikin ên ku pêşengiyê ji operasyonên dijmin re dikin, ji dêvila leşkeran cihên kontrolê li ser rêyan amade dikin û pêkutiyê li gelê me yê welatparêz dikin.

Gundên Pira Erdê, Serêgola Jêrîn, Serêgola Jorîn, Gulîzerk, Şêx Haydar, Nanparêz, Avasor, Sariksû û Kevirê Şamyan ên Ebexê ya Wanê,

Gundê Hara yê Erdîşê ya Wanê,

Gundên Zorava, Gurcubûlak, Karakent ên Bazîdê ya Agiriyê."

Gundên Ketê, Zeynela, Tûjîpazar û Girêdêm ên Gihadînê ya Agiriyê di serî de, gundên cerdevanan ên li herêmê me ji xwe re nekirine armanc û me her dem hewl da em wan hişyar bikin.

Em dixwazin careke din dubare bikin ku divê cerdevan û kontrayên gundên li jor li hemberî gel û hêzên me dev ji kirinên xwe yên kontrayî berdin.

Heke pêkutiya sîstematîk, ambargo û lîstikên qirêj bidome em didin diyarkirin ku em ê bersivê bidin van êrîşan."