Hevşaredarê bajaroka Findikê yÊ navçeya Cizîr a Şirnexê Ahmet Ece ku serê sibehê li navçeya Gazîosmanpaşa ya Stenbolê hatibû binçavkirin, hat girtin. Hevşaredar Ece bi rêya SEGBÎS'ê li 1'emîn Dadgeha Cezayê Giran a Cizîrê beşdarî dozê bû. Heyeta dadgehê di derbarê Ece de bi îdiaya "Endamê rêxistinê ye" biryara girtinê da. Hat diyarkirin ku Ece birine Girtîgeha Metrîsê.

Her wiha 5 welatiyên ku beriya 3 rojan li Cizîrê hatibûn binçavkirin jî, piştî îfadeyên wan ên li Miduriyeta Polîsan a Cizîrê hatin berdan.