Serdozgeriya Komarê ya Amedê li dijî rojnamevanên Kurd lêpirsînek da destpêkirin. Di çarçoveya lêpirsînê de serê sibehê Hevserokê Komeleya Rojnamevanan a Dîcle Firatê Serdar Altan, Midûra JINNEWS'ê Safiye Alagaş, edîtora JINNEWS'ê Gulşen Koçûk, edîtorê Ajansa Mezopotamyayê (MA) Azîz Orûç û rojnameger Omer Çelîk, Sûat Dogûhan, Ramazan Gecîken, Neşe Toprak, Îbrahîm Koyûncû, Esmer Tûnç, Mehmet Şahîn, Zeynel Abîdîn Bûlût, Mazlûm Dogan Guler, Elîf  Ungur, Remziye Temel, Abdurrahman Oncu, Mehmet Yalçin hatin destgîrkirin. Di çarçoveya heman lêpirsînê de Feynaz Koçuk jî li Stenbolê hat destgîrkirin.

ERTAŞ 10 SAET BI KELEMÇEKIRÎ HAT RAWESTANDIN

Di serdegirtina malan a li Amedê de rojnamevan Mehmet Alî Ertaş jî hat destgîkirin. Polîs hê jî li cihê ku Ertaş lê dimîne lêgerînê pêk tîne û Ertaş 10 saetan kelemçekirî hat rawestandin û piştre birin Midûriyeta Polîsan.

AKDENÎZ Û BAYRAM JÎ HATIN DESTGÎRKIRIN

Rojnamevan Lezgîn Akdenîz û Kadîr Bayram jî ku ji navçeya Çinarê dihatin navenda Amedê di rê de hatin bi hêceta “îfadeya we heye” hatin destgîrkirin. Nehat zanîn ku Akdenîz û Bayram di çarçoveya kîjan lêpirsînê de hatin destgîrkirin.

Tê diyarkirin ku hejmara binçavkiriyan zêde bibe.